მათემატიკის, ბუნებისმეტყველების და ინფორმაციულ-საკომუნიკაციო ტექნოლოგიების (ისტ) ინტეგრირება ზოგადსაგანმანათლებლო სკოლაში.  

გარდა საგნობრივი ცოდნის გადმოცემისა და ამ საგნებთან დაკავშირებული უნარების განვითარებისა, skoool საქართველოს მიზანია საგანთაშორის კავშირების წარმოჩენა და ისტ-ის ინტეგრირება სასკოლო დისციპლინებში. საიტზე წარმოდგენილ მაგალითებში კარგად ჩანს, რომ ერთ სასწავლო დისციპლინაში მიღებული ცოდნა უშუალოდ გამოიყენება მეორე სასწავლო დისციპლიაში, ხოლო ეს გამოყენება თავის მხრივ ხელს უწყობს მიღებული ცოდნის განმტკიცებას. საგანთაშორისი კავშირების ამგვარი მაგალითია კავშირი მათემატიკასა და საბუნებისმეტყველო საგნებს შორის. ერთ მათგანში მიღებული ცოდნა აუცილებელია მეორე საგნის მნიშვნელოვანი საკითხების ღრმად გასააზრებლად. ბუნებისმეტყველების საკითხები დაკავშირებულია ბევრ სხვადასხვა საგანთან, როგორც ფაქტობრივი ცოდნის, ასევე უნარების თვალსაზრისით. ქვემოთ წარმოდგენილია მათემატიკისა და ბუნებისმეტყველების ურთიერთკავშირის მოკლე აღწერა.ამ საიტის მიზანია აგრეთვე ინფორმაციული და საკომუნიკაციო ტექნოლოგიების ინტეგრირება სასწავლო პროცესში. ისტ-ის გამოყენება როგორც სტატიკური ფაქტობრივი ცოდნის მისაღებად, ასევე მოდელირებისას. როდესაც მოსწავლეს შეუძლია რეალურ მოვლენასთან დაკავშირებული სიმულაციების გამოყენება მოვლენაზე დაკვირვებისას; პარამეტრების ცვლილება და შედეგების ცვლილების მიხედვით კანონზომიერებების აღმოჩენა.