მართკუთხა პარალელეპიპედი

მართკუთხა პარალელეპიპედის გვერდები მართკუთხედებია. მისი მოცულობის საპოვნელად დავთვალოთ ფიგურის შიგნით მოთავსებული კუბების რაოდენობა.

მაგალითი:

გამოთვალეთ ნახაზზე მოცემული მართკუთხა პარალელეპიპედის მოცულობა.

ვინაიდან ყველა კუბი არ ჩანს, უპრიანია ფიგურა დავყოთ შრეებად. ზედა ფენაში 12 კუბია. სულ 3 ფენაა. მაშასადამე, მართკუთხა პარალელეპიპედში გვაქვს 3 x 12 = 36 კუბი. ფიგურის მოცულობა = 36 კუბს.

მართკუთხა პარალელეპიპედის მოცულობის გამოსათვლელი ფორმულა როდესაც მოცემულია მისი ზომები, ანუ სიგრძე, სიგანე და სიმაღლე.

მართკუთხა პარალელეპიპედის მოცულობა =სიგრძე x სიგანე x სიმაღლე

მაგალითი: გამოთვალეთ ნახაზზე მოცემული მართკუთხა პარალელეპიპედის მოცულობა.

მოცულობა = 10 x 6 x 5 = 300სმ3(როგორც ხედავთ, მოცულობა კუბურ ერთეულებში იზომება)

შენიშვნა: ისევე როგორც ფართობების შემთხვევაში, შესაძლებელია მოცულობების შეკრება და გამოკლება.

მაგალითი: მართკუთხა პარალელეპიპედს ამოაჭრეს აგრეთვე მართკუთხა ფორმის გული, როგორც ეს დიაგრამაზეა ნაჩვენები. იპოვეთ მისი დარჩენილი ნაწილის მოცულობა.

მთლიანი მოცულობა = 20 x 10 x 6 = 1200სმ3 ამოჭრილი ნაწილის მოცულობა = 5 x 10 x 2 = 100სმ3 დარჩენილი მოცულობა= 1200 – 100 = 1100სმ3

პრიზმა

პრიზმის მოცულობა პრიზმა სივრცული ფიგურაა. პრიზმის ნებისმიერი კვეთა, რომელიც ფუძის პარალელურია, ფუძის ტოლ ფიგრას გვაძლევს. ეს ნათლად ჩანს ნახაზზე.

სამკუთხა პრიზმა

პრიზმის მოცულობის გამოსათვლელი ფორმულა

პრიზმის მოცულობა = ფუძის პარალელური კვეთის ფართობი x სიმაღლე

მაგალითი

სამკუთხა პრიზმის მოცულობა = სამკუთხედის ფართობი x სიმაღლე= (½ x10 x 6) x 20 = 30 x 20 Volume = 600სმ3