წერტილები და ჯვრები განსხვავებული ატომების გარე შრის ელექტრონებს წარმოადგენენ.
სტრუქტურული დიაგრამის თითოეული ხაზი წარმოადგენს საზიარო ელექტრონულ წყვილს - ერთ კოვალენტურ ბმას.
თქვენ უნდა შეძლოთ გამოსახოთ კოვალენტური ბმები ამიაკში NH3, წყალბადში H2, ქლორწყალბადში HCl, მეთანსა CH4 და ჟანგბადში O2.
მარტივ მოლეკულურ ნაერთებს დაბალი ლღობის და დუღილის ტემპერატურები ახასიათებთ, რადგან მიუხედავად იმისა, რომ კოვალენტური ბმები მოლეკულის შიგნით ძლიერია, მოლეკულათშორისი მიზიდულობის ძალები სუსტია
ისინი არ ატარებენ ელექტრობას, რადგან მოლეკულებს არ გააჩნიათ ელექტრული მუხტი.
ალმასი, გრაფიტი და სილიციუმის დიოქსიდი (კვარცი) ატომთა გიგანტური კოვალენტური სტრუქტურებია. ატომებს შორის მრავალი კოვალენტური ბმის გამო მათ ძალიან მაღალი ლღობის ტემპერატურა აქვთ.
ალმასი და გრაფიტი ნახშირბადის ფორმებია.
ალმასში თითოეული ნახშირბადის ატომი კოვალენტური ბმით უკავშირდება ოთხ სხვა ნახშირბადის ატომს. შედეგად მიღებული სამგანზომილებიანი გიგანტური სტრუქტურა ძალიან მტკიცეა. ალმასის კრისტალი ერთი გიგანტური მოლეკულაა.
სილიციუმის დიოქსიდიც მსგავსი სტრუქტურით ხასიათდება.
გრაფიტში თითოეული ნახშირბადატომი წარმოქმნის სამ კოვალენტურ ბმას და წარმოქმნილ გიგანტურ მოლეკულას შრეობრივი აგებულება აქვს..
შრეებს შორის ბმები სუსტია, რის გამოც ადვილია შრეების ერთმანეთის მიმართ გადაადგილება.
გრაფიტი შეიცავს თავისუფალ ელექტრონებს და ამიტომ შეუძლია ელექტრული დენის გატარება.
|