ატომები

ყველა ნივთიერება შედგება მცირე ზომის ნაწილაკებისგან, რომელთაც ატომები ეწოდებათ.

ბუნებაში დაახლოებით 100 ტიპის ატომი არსებობს და მათთგან არის წარმოქმნილი ყველაფერი ჩვენს გარშემო.

ნივთიერებას, რომელიც ერთი სახის ატომებს შეიცავს ელემენტი ეწოდება.

ატომის შემადგენლობაში შედის მცირე ზომის ნაწილაკები: პროტონები, ნეიტრონები და ელექტრონები.

ატომს ელექტრული მუხტი არ გააჩნია, რადგან მასში შემავალი დადებითად დამუხტული პროტონებისა და უარყოფითად დამუხტული ელექტრონების რიცხვი ტოლია და აბათილებენ ერთმანეთს.

ატომის ცენტრში მდებარეობს ბირთვი, რომელიც ძალიან მცირე ზომისაა.

ის დადებითადაა დამუხტული, რადგან შეიცავს პროტონებს. ბირთვშია თავმოყრილი ატომის მასის უდიდესი ნაწილია, რადგან პროტონები და ნეიტრონები ბირთვშია განლაგებული..

 

ელექტრონების განაწილება

ელექტრონები განლაგებულია ბირთვის გარშემო მდებარე შრეებზე, რომელთაც ენერგეტიკული დონეები ან გარსები ეწოდებათ.

ელექტრონები უმცირესი ენერგიების პრინციპით ივსება, რაც თავდაპირველად შიდა გარსების შევსებას ნიშნავს.

პირველ ენერგეტიკულ დონეზე მხოლოდ 2 ელექტრონი შეიძლება განლაგდეს. შემდეგი შრე უფრო დიდია და მასზე 8 ელექტრონი განლაგდება.

ამგვარად, ნატრიუმის ელექტრონული აღნაგობაა 2, 8, 1

ერთიდაიმავე ელემენტის ზოგიერთი ატომი შეიძლება ნეიტრონების განსხვავებულ რაოდენობას შეიცავდეს. მათ იზოტოპები ეწოდებათ.

მაგალითად, ნახშირბადატომთა უმრავლესობის მასური რიცხვია 12, მაგრამ ზოგიერთი ნახშირბადატომის მასური რიცხვია 14.

ორივე ატომი ნახშირბადატომია, რადგან ორივეს ბირთვი 6 პროტონს შეიცავს, მაგრამ ნეიტრონების რაოდენობა განსხვავებულია - ნახშირბად-14-ს ორი ნეიტრონით მეტი გააჩნია.